Ramin Musayev: “Neftçi” istəmir ki “Xəzər Lənkəran”la oyun yayımlansın"

PFL prezidenti Ramin Musayev sentyabrın 13-də Azərbaycan Premyer Liqasının beşinci turu çərçivəsində baş tutacaq “Neftçi” - “Xəzər Lənkəran” oyununun televiziya vasitəsi ilə canlı yayımlanmamasına münasibət bildirib. Futbolxeber.az-ın məlumatına görə, Musayev meydan sahibi klubun oyunun yayımlanmasını istəmədiyini vurğulayıb: “Bilirsiniz ki, “Xəzər Lənkəran”ın ev oyunları televiziya vasitəsi ilə yayımlanmır. Bu səbəbdən də “Neftçi” də qarşıdakı oyunun yayımlanmasını istəmir. Burada bizim edə biləcəyimiz bir şey yoxdur. Oyunu yayımlayıb-yayımlamamaqda klublar sərbəstdirlər”.

“Düşünmürsünüz ki, bundan əziyyət çəkən azarkeşlər olacaq. Xüsusən də “Xəzər Lənkəran” azarkeşləri. Çünki onlar stadionda da matça baxa bilməz” sualını PFL prezidenti belə cavablandırıb: “Bəli, tam razıyam. Çox təəssüflənirəm ki, belə bir durum yaranıb. Azarkeşlərin bu cür oyuna tamaşa edə bilməməsi çox mənfi haldır”.