Stamenkoviç: “Partizan”dan qisas alacağıq”

“Neftçi”nin qapıçısı Saşa Stamenkoviç UEFA-nın rəsmi saytına açıqlama verib. Futbolxeber.az-ın məlumatına görə, serb qapıçı səfərdə vurulan 2 qolu yaxşı nəticə hesab edir: "Görüşdən əvvəl də favoritin "Partizan" olduğunu bildirmişdim. Belqraddakı oyuna çox yaxşı başladıq. İki qol vurduq və hesabı artırmalı idik. Ancaq təəssüf ki, buna nail olmadıq. Nəticədə məğlub olduq. Lakin bu hesab bizə qrup mərhələsində oynamağa ümid verir. Səfərdə iki qol vurub, minimal hesabla məğlub olmaq yaxşı nəticədir".

Stamenkoviç cavab oyunu ilə bağlı isə bunları deyib: “Motivasiyamız yüksəkdi və qələbə arzulayırıq. Öz meydanımızda 1:0 və ya 2:1 hesabı da bizi qane edəcək. Əsas hədəfimiz yenidən Avroliqanın qrup mərhələsində oynamaqdır. Bu faktdır ki, "Neftçi" heç zaman müdafiə futbolu oynamayıb. Azarkeşlərimizin güclü dəstəyi sayəsində "Partizan"dan qisas alacağıq".