Denis Silva: “Qrup mərhələsinə düşəcəyimizə inanıram”

“Neftçi”nin müdafiəçisi Denis Silva Serbiya mətbuatına açıqlama verib. Futbolxeber.az-ın məlumatına görə, braziliyalı müdafiəçi bu gün Avroliqanın play-off mərhələsinin ilk oyunu çərçivəsində keçiriləcək “Partizan” - “Neftçi” matçı haqda danışıb: "Partizan"ın bu gün bizə qol vurmağa imkan verməyəcəyi gözləniləndir. Ancaq bu oyuna böyük motivasiya ilə çıxacağıq və Avroliqanın qrup mərhələsinə düşəcəyimizə inanıram. "Partizan"ın daxilində dəqiq nələrin baş verdiyini bilmirik. Bunun "Partizan"ın oyununa təsir etməyəcəyini düşünürəm. Nikolas Kanalesə gəlincə, onun bu axşam meydana çıxması bizim qələbə qazanmaq şanslarımızı daha da artırır".