29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Ropotan: “Futbolçuların komandaya öyrəşdiyini əminliklə deyə bilərəm”

“Qəbələ”nin yeni transferlərindən olan rumıniyalı futbolçu Adrian Ropotan gabalafc.az-a komandanın hazırkı durumu, məşqlərin gedişi və Qəbələdəki həyatı barədə danışıb. Futbolxeber.az-ın məlumatına görə, yarımmüdafiəçi komandada əla atmosferin hökm sürdüyünü, özlərini bir ailə kimi hiss etdiklərini vurğulayıb:

- İlk turda “İnter”lə matçda oyunumuz alınmadı. Bu səbəbdən nəticə bizim üçün uğursuz oldu. İkinci turda doğma meydanda “Araz Naxçıvan”ı məğlub etməyi bacardıq. Oyun boyu bir çox qol epizodları yaratsaq da, yalnız birini reallaşdıra bildik. Ən önəmlisi 3 xalı qazanmaqdır. Bu qələbə ötən məğlubiyyəti unutmaq və gələcək oyunlara köklənmək üçün çox vacib idi. Hazırda komandada əla atmosfer hökm sürür.

- Növbəti turda səfərdə “Bakı” ilə qarşılaşacaqsınız. Hazırlıqlarınız necə gedir?

- “Bakı” ilə oyuna səylə hazırlaşırıq. Bu mövsüm ilk səfər qələbəmizi qazanmaq istəyirik. Məşqlərimiz və çalışmalarımız öz bəhrəsini verir. Ümid edirik ki, qarşıdakı oyunlarda yaxşı nəticələr qazanmaqla bunu sübuta yetirəcəyik. Komandadakı yeni futbolçuların çoxluğunu nəzərə alsaq, oyun praktikası da önəmlidir. Tam komplektləşmək üçün hələ bir yerdə çox oynamalıyıq.

- Yeni futbolçulardan söz düşmüşkən, “Qəbələ”yə bu mövsüm qoşulan futbolçuların komandaya öyrəşdiyini demək olar?

- Bütün futbolçuların komandaya öyrəşdiyini əminliklə deyə bilərəm. Bunun müşahidə etmək üçün məşqlərimizi, gündəlik həyatımızı izləməyiniz yetərli olar. Baş məşqçimiz intizamlı, möhkəm, mehriban kollektiv qurmağı bacarıb. Özümüzü bir ailə kimi hiss edirik.

- Qəbələdə həyatınız necə keçir? Sözügedən şəhərin sakitliyinə öyrəşə bilmisinizmi?

- Burada gözəl təbiət, gülərüz, mehriban insanlar var. Qəbələnin sakitliyinə öyrəşmişik. Belə həyat tərzi məşqlərə, oyunlara diqqətimizi kökləmək üçün idealdır. Bizim üçün önəmli olan futbol oynamaq üçün gözəl şəraitin olmasıdır ki, bu baxımdan da bazamız bütün tələblərə cavab verir. Özümu burada çox yaxşı və rahat hiss edirəm.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31