“Neftçi” bu gün Belqradda oyunöncəsi son məşqə çıxacaq

Avropa Liqasının pley-off mərhələsi çərçivəsində “Partizan”la qarşılaşacaq “Neftçi” bu oyuna hazırlığı Belqradda davam etdirir. Futbolxeber.az-ın klubun rəsmi saytına istinadən verdiyi məlumata görə, Serbiya paytaxtında isti qarşılanan “ağ-qaralar” dünən ölkənin digər nəhəng klubu olan “Srvena Zvezda”ya məxsus stadionda məşq edib.

Flaqmanın matç öncəsi son hazırlığı Bakı vaxtı ilə bu gün saat 23:00-dan etibarən “Partizan” stadionunda baş tutacaq. Bundan yarım saat əvvəl isə komandanın baş məşqçisi Böyükağa Hacıyevin mətbuat konfransı təşkil olunacaq.