“Xəzər Lənkəran” maaş baxımdan heç bir problem yoxdur”

“Futbolçuların maaşlarının gecikməsi xəbəri yalandı. Komandada bu baxımdan hər hansı bir problem yoxdur”. Bunu Futbolxeber.az saytına verdiyi açıqlamada “Xəzər Lənkəran”ın mətbuat xidmətinin rəhbəri Hüseyn Cəbrayıloğlu klubun futbolçuların maaşlarını yubatması haqda yayılan xəbərlərə münasibət bildirərkən deyib.

Klub rəsmisi futbolçuların başa çatan bütün aylara görə məvaciblərini aldıqlarını qeyd edib: “Komanda təlim-məşq toplanışında olduğu üçün iyun-iyul aylarının maaşı qalmışdı. Onu da futbolçular AZAL-la oyundan sonra alıblar. Yalnız avqust ayının maaşı qalıb ki, bu ay da hələ başa çatmayıb. Ay başa çatdıqdan sonra avqustun da məvacibi ödəniləcək”.