“O vaxt “Tvente”yə qarşı əsas heyətdə 1 legioner oynamışdı”

“Qarabağ”ın sabiq müdafiəçisi, hazırda klubun U-19  komandasının baş məşqçisi olan Zaur Həşimov “Qarabağ”ın 5 il əvvəl “Tvente”yə qarşı keçirdiyi oyunlar haqda danışıb. Futbolxeber.az-ın məlumatına görə, təcrübəli futbolçu PFL-in rəsmi saytına verdiyi açıqlamada Haşımov bunları deyib: “2009-cu ildə “Qarabağ”ın “Tvente”yə qarşı keçirilən hər iki oyununda meydançada olmuşam. O vaxt heyət yerli futbolçulardan qurulmuşdu. Əsas heyətdə legioner futbolçulardan təkcə Admir Teli mübarizə aparırdı. Gənc futbolçularımızın isə təzə-təzə üzə çıxan vaxtları idi. Əfran, Rauf, Maksim kimi oyunçular adlarından söz etdirirdi. “Tvente” isə çox güclü idi. Stiv Maklarenli “Tvente” aparıcı legioner və yerli futbolçuları ilə daha əzəmətli idi. İndi isə komanda gəncləşib. “Qarabağ”ın heyətində işini bacaran legionerlər var. Ümid edirəm  ki, “Qarabağ” qrup mərhələsinə düşəcək. Amma konkret proqnoz vermək istəmirəm”.