26 Avqust 2019, Bazar ertəsi
“Sumqayıt” “Səbail”ə uduzdu
UEFA “Qarabağ”ı cərimələdi
DÇ-2022 Bakıda keçiriləcək
Dabo azarkeşlərdən üzr istədi

Ölkə futbolu

“Qəbələ”: Mövsümdə ilk, evdə 80-ci

Azərbaycan Premyer Liqasının II turunda “Araz-Naxçıvan”ı 1:0 hesabı ilə məğlub edən “Qəbələ” uğursuz seriyaya son qoyub. Futbolxeber.az-ın klubun rəsmi saytına istinadən verdiyi məlumata görə, son 4 oyunda qələbə qazana bilməyən “qırmızı-qaralar” mayın 17-də “Sumqayıt”la görüşdən sonra ilk dəfə qalib gəlib. Komanda 3:1 hesablı qələbədən 92 gün sonra 3 xal əldə edib. Son 3 oyunda qol vurmadan uduzan “Qəbələ” 339 dəqiqəlik qolsuzluğa son qoyub. Mayın 22-də keçirilən Azərbaycan kubokunun finalından sonra (1:1) komanda 87 gün idi fərqlənmirdi. Bu qol və qələbə baş məşqçi Dorinel Muntyanunun rəhbərliyi altında ilklər olub.

Mövsümün ilk qələbəsi həm də yubiley xarakteri daşıyıb. “Qəbələ” tarixində 80-ci ev qələbəsini qazanıb. Bu da 157-ci görüşdə qeydə alınıb. Komanda Premyer Liqada 56, Azərbaycan kubokunda 11, I dəstədə 13 dəfə öz meydanında qalib gəlməyi bacarıb.

Daha bir ilkə Cavid Hüseynov imza atıb. Yarımmüdafiəçi “Qəbələ”də ilk qolunu vurub. O, qırmızı-qara formada qol vuran 87-ci oyunçudur. Hüseynov Premyer Liqada bunu bacaran klubun 66-cı futbolçu kimi tarixə düşüb. Hüseynov klub tarixində 45-ci penalti zərbəsini yerinə yetirib. Bunlardan 33-ü qolla nəticələnib.

Markinyos isə karyerasında ilk dəfə “Qəbələ” formasında rəsmi matça çıxıb. Bu oyunadək 177 futbolçu “qırmızı-qaralar”ın formasını geymişdisə, braziliyalı bu siyahıda 178-ci oldu. O, milliləşənlər də daxil olmaqla 84-cü legionerdir. Bu əcnəbilər 31 ölkəni təmsil edir. Markinyos klub tarixində 11-ci braziliyalı olub: Braziliya - 10, Gürcüstan - 9, Rusiya - 7, Serbiya, Ukrayna, Rumıniya - hərəsi 6, Moldova, Hollandiya, Seneqal, Nigeriya - hərəyə 3, Bolqarıstan, Qvineya, Türkiyə, Sloveniya, Polşa, Portuqaliya - hərəsi 2, Argentina, Bosniya və Herseqovina, İngiltərə, İran, Konqo, Latviya, Fil Dişi Sahili, Syerra Leone, Türkmənistan, Yamayka, Şotlandiya, Fransa, İsveçrə, Tacikistan, Slovakiya - hərəsi 1.

Ürfan Abbasov da bu matçda yubiley qeyd edib. “Qəbələ”də 70-ci rəsmi matçına çıxan müdafiəçi buna nail olan 10-cu futbolçu kimi tarixə düşüb.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2019
B.eÇ.aÇC.aCŞB
01 02 03 04
05 06 07 08 09 10 11
12 13 14 15 16 17 18
19 20 21 22 23 24 25
26 27 28 29 30 31