“Xəzər Lənkəran” “Simurq”la oyuna paytaxtda hazırlaşacaq

Premyer Liqanın son turunda öz meydanında “Sumqayıt”a uduzan “Xəzər Lənkəran” dünəndən Bakıda məskunlaşıb. Bu haqda Futbolxeber.az saytına klubun mətbuat xidmətinin rəhbəri Hüseyn Cəbrayıloğlu məlumat verib. Klub rəsmisi qeyd edib ki, komanda növbəti turda qarşılaşacağı “Simurq”la oyuna paytaxtda hazırlaşacaq: “Komanda üzvləri dünən Bakıya yollanıb. Bu gün istirahətdir. Sabahdan isə komanda “Simurq”la oyunun hazırlığına start verəcək. Məşqlər paytaxtda baş tutacaq. Zaqatalaya da elə Bakıdan yola düşəcəyik. Oyunun ertəsi günü isə komanda Zaqataladan birbaşa Lənkərana üz tutacaq”.