“Kanalesin vaxta ehtiyacı var”

“Bəli, Kanalesin adını hələ ki PFL-ə təqdim etməmişik. Çünki onun transfer vərəqi hələ gəlməyib”. Futbolxeber.az saytına verdiyi açıqlamada bu sözləri “Neftçi”nin İnformasiya və İctimaiyyətlə Əlaqələr Departamentinin rəhbəri Gündüz Abbaszadə deyib.

Klub rəsmisi tezliklə bu məsələnin həll olunacağını qeyd edib: “Gözləyirik. Həmin sənəd əlimizdə olduqdan sonra, çilili hücumçunun adını sifariş vərəqəsinə daxil edəcəyik. Məsələ tezliklə həll olunacaq. Hətta sənədin “Bakı” ilə oyuna kimi gəlməsi də mümkündür. Amma Kanales komandaya yeni qoşulub. Onun bir qədər vaxta ehtiyacı var. Tezliklə o da digərləri kimi “Neftçi”nin heyətində meydana çıxacaq”.