“İdman Azərbaycan” seçimini etdi: “Qarabağ” - “İnter”, yoxsa “Neftçi” - “Bakı” oyunu canlı yayımlanacaq?

Sabah Azərbaycan Premyer Liqasının ikinci turu çərçivəsində keçiriləcək “N   eftçi” - “Bakı” və “Qarabağ” - “İnter” matçlarının əvvəldən “İdman Azərbaycan” kanalı vasitəsi ilə canlı yayımlanacağı bildirilsə də, dəyişiklik baş verib. Futbolxeber.az-ın məlumatına görə, azarkeşlər bu oyunlardan yalnız birinə - “Qarabağ” - “İnter” matçına canlı olaraq tamaşa edə biləcəklər. “Neftçi” - “Bakı” matçı isə nümayiş olunmayacaq.

“İdman Azərbaycan”ın belə addım atması səbəbsiz deyil. Çünki əvvəldən paytaxt derbisinin 19:00-da, “Qarabağ” - “İnter” matçınnı 21:00-da start götürməsi planlaşdırılsa da, sonradan ikinci oyunun vaxtı 18:00-a dəyişdirildi.

Beləliklə, sabah futbolsevərlər televiziya vasitəsi ilə yalnız “Qarabağ” - “İnter” matçına canlı olaraq tamaşa edə biləcəklər. İsmət Qayıbov adına Bakıxanov qəsəbə stadionunda baş tutacaq görüş 18:00-da start götürəcək.