“Əsgər Abdullayev futbolçunu yalnız oyununa görə seçir”

"Bu görüşdən öncə bizim şanslarımızı az dəyərləndirirdilər. Lakin biz oyunumuzla sübut etdik ki, çempionata heç də pis hazırlaşmamışıq”. Futbolxeber.az-ın məlumatına görə, bu sözləri “Araz Naxçıvan”ın üzvü Elmin Çobanov deyib.

Azərbaycan Premyer Liqasının ilk turunda “Neftçi”yə qarşı keçirilən oyun (3:0) barədə danışan gənc futbolçu artıq digər görüşlər barədə düşünməli olduqlarını qeyd edib: “Qarşıda bizi çətin oyunlar gözləyir. Artıq bu qələbəni unudub digər görüşlərin hazırlıqlarına start vermişik. Son zamanlar mətbuatda çıxın söz-söhbətlərə gəlincə, ötən mövsümü də bu komandanın heyətində çıxış etmişəm. Baş məşqçimiz yalnız futbolçunu oyununa görə seçir. Mən, eləcə də digər komanda yoldaşlarım yazılan bu fikirlə razı deyilik. Kiməsənin bilmədiyi, dəqiqləşdirmədiyi məlumatı yazması haqsızlıqdı."