Aslan Şahgəldiyev: “Erməni xakerlərin hücumu çox vaxt “Qarabağ” qələbə qazanandan sonra olur”

Peşəkar Futbol Liqasının İnformasiya və İctimaiyyətlə Əlaqələr Departamentinin rəhbəri Aslan Şahgəldiyev qurumun rəsmi saytının erməni xakerləri tərəfindən hücuma məruz qalmasına münasibət bildirib. Futbolxeber.az saytına verdiyi açıqlamada Şahgəldiyev deyib: “Belə xaker hücumları çox olur. Adətən bu, “Qarabağ” komandasının qalib gəldiyi oyunlardan sonra baş verir. Yəqin ki, “Qarabağ”ın qələbə çalması düşmənlərimizi qıcıqlandırır. Demək olar, belə hücumlar hər il olur. Bu vaxta kimi nə qədər cəhd etsələr də, saytı dağıda bilməmişdilər. Budəfəki problem tez həll etdik. 1 saat ərzində hər şey  qaydasındasına qoyuldu və sayt əvvəlki kimi fəaliyyət göstərir”.