Tsxadadze: “Yeni transfer olmayacaq”

“Hələ ki heyətimizi gücləndirə bilmirik. Bunun bir çox səbəbləri var. Heyətimiz mütləq güclənməlidir. Amma fakt budur ki, biz hazırda transfer edə bilmirik”. Futbolxeber.az-ın məlumatına görə, bu sözləri “İnter”in baş məşqçisi Kaxaber Tsaxadadze deyib.

Gürcü mütəxəssis Elvin Məmmədovdan başqa heç bir itkilərinin olmadığını qeyd edib: “Bu səbəbdən də sabahkı oyun üçün əvəzedici heyətdən 2 futbolçunu heyətə cəlb etmişik. Yalnız Elvin Məmmədovun xidmətindən yararlana bilməyəcəyik. Başqa heç bir itkimiz yoxdur”.

Tsxadadze azarkeşlərə minnətdarlıq etməyi unutmayıb: “Tiraspol”la Bakıdakı oyunda azarkeşlər bizə əla dəstək verdilər. Buna görə onlara bir daha minnətdaram. Gürcüstanda da belədir, komanda qol buraxdıqdan sonra azarkeşlər stadionu tərk edirlər. Amma həmin gün futbolsevərlər sona kimi bizi dəstəklədilər. İnanıram ki, sabah da eyni hal yaşanacaq”.