13 Iyul 2020, Bazar ertəsi
Cavid "Zirə"dən getdi
Sıra bizimkilərə də çatdı...
"Sabah"da yeni təyinatlar reallaşdı
De Byazinin təyinatına sözardı

Ölkə futbolu

Tahir Süleymanov: “İstefamdan sonra Sadıq Sadıqov dedi ki...”

"Mənim "Neftçi" klubunun prezidenti Sadıq Sadıqovla, yaxud baş məşqçi və texniki heyətlə heç bir problemim yoxdur. Belə bir halın yaşanması mümkün deyil. Bəli, əvvəllər də istefa vermişəm. Ancaq klub prezidenti xahiş edib ki, müəyyən məsələlərdə "Neftçi"yə öz köməyimi əsirgəməyim. Bu dəfə isə fikrim qəti oldu". Qol.Az saytına açıqlamasında bu sözləri "Neftçi" klubunun sabiq vitse-prezidenti Tahir Süleymanov istefası ilə bağlı danışarkən deyib.
 
“Neftçi” klubu rasmi saytı vasitəsi ilə məlumat yayaraq T.Süleymanovun istefasının qəbul olunduğunu açıqlayıb.
 
O, "Neftçi"də çalışdığı dövrdə qazanılan uğurları bir daha xatırladıb və klubdan gedişinin səbəblərindən danışıb: "Neftçi"də işlədiyim dövrdə qazandığımız uğurlar göz qabağındadır. Bu gün bütün klublarımızın arzusu avrokuboklarda qrup mərhələsinə düşməkdir. Bizim dövrümüzdə "Neftçi" bu uğura nail oldu. Qarşımıza böyük hədəflər qoymuşduq. Həm ölkə çempionatında, həm də avrokuboklarda layiqli çıxış etmək istəyirdik. Gördüyünüz kimi, dörd il ərzində bir sıra nailliyətlər qazandıq. Yəni "Neftçi"yə bu hədəflərə çatmaq üçün gəlmişdim. Çünki mən futbol adamıyam, vəzifə sahibi olmamışam. Sıradan biri deyiləm. Kluba gəldiyim andan müəyyən ideyaları həyata keçirdik. Avroliqanın qrup mərhələsinə düşdükdən sonra hədəf Çempionlar Liqasının qrupu olmalı idi. Minumum Avroliqanın qrup mərhələsində oynamalı idik. Çox təəssüf ki, müəyyən obyektiv və subyektiv səbəblərdən son iki mövsümdə istəyimizə nail ola bilmədik. 
 
Artıq "Koper"lə Bakıdakı oyun mənim üçün son hədd idi. Bu məğlubiyyətdən dərhal sonra istefa verdiyimi bütün ictimaiyyətə bəyan etdim. Həmin gün klub prezidenti Sadıq Sadıqov bildirdi ki, sənin bu uğursuzluqda heç bir günahın yoxdur, buna məşqçilər korpusu cavabdehdir. Ancaq "Neftçi" kimi bir komandanın 1-2 milyon avro büdcəsi olan "Koper"ə öz meydanında məğlub olması qəbulolunmazdır. Şəxsən mən bunu qəbul etmədim və getmək haqda qərar verdim. İstefa verməyin özü mədəniyyət və cəsarət tələb edir. Bundan sonra "Neftçi"də çalışacaq insanlara ancaq uğurlar arzu edirəm. İnanıram ki, "Neftçi" "Koper"lə cavab oyununda  öz gücünün 70 faizini ortaya qoya bilsə, mərhələni keçəcək".    
 
T.Süleymanov hələlik futbol sahəsində çalışmaq istəmədiyini söyləyib: "Hazırda bu barədə düşünmürəm. Çünki beş ilin nəticələrinin qarşısında mənəvi və fiziki yorğunluğum var. Bizim taleyimizə futbol yazılıb. Ömrümüzün sonuna qədər futboldayıq. Hər şeyi zaman göstərəcək. Ən önəmlisi odur ki, Azərbaycan klubları inkişaf etsin. Bu yolda heç vaxt öz əməyimi əsirgəməmişəm. Bundan sonra da kömək etməyə hazıram. Təki futbolumuz inkişaf etsin".



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyul 2020
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31