“İnter” Bolqarıstan klubu ilə qarşılaşacaq

“İnter”in ikinci komandası Bolqarıstanda təlim-məşq toplanışı keçirir. Futbolxeber.az-ın klubun rəsmi saytına istinadən verdiyi məlumata görə, Varna şəhərinin Qızılqum kurort zonasındakı “Sport Palace” otelində məşkunlaşan “bankirlər” bu gün növbəti yoxlama matçına çıxacaq. Rüstəm Əliyevin yetirmələri yerli “Suvorovo” komandasıyla qarşılaşacaqlar. Qeyd edək ki, bu komanda Bolqarıstanın şimal-şərq zonasında çıxış edir.

Əlavə edək ki, Bolqarıstanda keçirdiyi ilk yoxlama matçında “İnter” “Spartak” (Varna) komandasının əvəzedici heyətini 5:0 hesabıyla məğlub edib.