Reynaldo Silva təhlükəli zədədən sonra anda qurtuldu

Çempionlar Liqasının ikinci təsnifat mərhələsinin dünən keçirilən “Qarabağ” - “Valletta” oyununda Ağdam klubunun hücumçusu Reynaldo Silva ciddi zədə ala bilərmiş. Klubun mətbuat xidmətindən Qol.Az-a verilən xəbərə görə, matçın beşinci dəqiqəsindən etibarən, braziliyalı futbolçu əzələsində ağrılar hiss etməyə başlayıb. Birinci hissənin sonlarında ağrılar daha da artıb və Reynaldonun əzələsinin yırtılma təhlükəsi yaranıb. Bu səbəbdən fasilədə baş məşqçi Qurban Qurbanov braziliyalı oyunçunu əvəzləmək qərarı verib.

Qeyd edək ki, ikinci hissənin əvvəlində Reynaldonun yerinə meydana Vüqar Nadirov daxil olub.

“Qarabağ”ın mətbuat xidmətindən bildirilib ki, hazırda da Reynaldonun ayağında ağrılar var. Bununla belə, həkimlər iyunun 30-da “Zalsburq”a qarşı keçiriləcək ÇL-in üçüncü təsnifat mərhələsininin ilk görüşünə qədər təcrübəli futbolçunun zədəsini sağaltmağa çalışacacaqlar.

Xatırladaq ki, dünən “Valletta”ya 4:0 hesabı ilə qalib gələn “Qarabağ”ın ilk qolunu 15-ci dəqiqədə Reynaldo vurub.