Van Basten: “Qəbələ” ilə oyundan da, nəticədən də razı qaldım”

Hollandiya toplanışı çərçivəsində baş tutan "AZ Alkmaar"-"Qəbələ" (2:0) matçının ardından Alkmaar təmsilçisinin baş məşqçisi Marko van Basten oyun və rəqib haqda fikirlərini gabalafc.az-la bölüşüb. Futbolxeber.az-ın məlumatına görə, hollandiyalı mütəxəssisin düşüncələrini sizlərlə paylaşırıq: "Maraqlı və gərgin matç oldu. Rəqib gözəl oyun nümayiş etdirdi. Qarşımızda yaxşı təşkilatlanmış və intizamlı bir rəqib gördük. Qarşılaşma boyunca yaxşı qol imkanları yaxaladılar. Düşünürəm ki, hazırlıq baxımından hər iki komanda üçün yararlı bir qarşılaşma oldu. Oyundan da, nəticədən də razı qaldım. "Qəbələ" haqda ətraflı məlumatımız yox idi. Bu matça digər oyunlara hazırlaşdığımız kimi ciddi hazırlaşmışdıq. "Qəbələ"nin Akademiya direktoru Stenli Brarddan rəqib haqda məlumat ala bilərdim. Lakin onunla bu barədə danışmamışıq".