AZAL İran millisi ilə heç-heçə oynadı

Yeni mövsümə hazırlıqlarını Türkiyədə davam etdirən AZAL qardaş ölkədə ilk oyununu keçirib. Futbolxeber.az-ın klubun rəsmi saytına istinadən verdiyi məlumata görə, Qızılcahamam stadionunda İranın U-21 milli komandası ilə qarşılaşan "təyyarəçilər" heç-heçə edib.

Baş məşqçinin düşərgədə olan yeni futbolçuları sınadığı görüşdə iranlılar 2 qolla üstünlük əldə etsə də, AZAL bərabərliyə nail olub. Qolları 38-ci dəqiqədə baxışda olan Cimmi Duqlas və 53-cü dəqiqədə kapitan Rəşad Abdullayev vurub.

Baş məşqçi Tərlan Əhmədov bu görüşdə aşağıdakı futbolçulara şans verib: Stanislav Namaşko (Ruslan Məcidov, 46), Novruz Məmmədov (Eltun Yaqublu, 60), Tural Nərimanov (Kərim Diniyev, 46), Oskar Klyava, Xuanfran (Şəhriyar Rəhimov, 46), Luis Ramos, Xuanxo Pereyra, Rəşad Abdullayev (Orxan Səfiyaroğlu, 60), Everton Fernando Gilio (Viktor İbekoyi, 46), Qaqe Lusian Petre (Tomi Kostadinov, 46), Cimmi Duqlas (Yosip Maroşeviç, 46, Enrike Kordoba, 74).