“Tiraspol”un hücumçusu: “Bakıda minimum 2 qol vurmalıyıq” (Müsahibə)

“Tiraspol”un hücumçusu Georgi Ovsyannikov Moldova mətbuatına müsahibə verib. Futbolxeber.az həmin müsahibəni təqdim edir:

- Oyununuzda nə alınmadı? Nəyə görə yalnız qapınızda 3 qol gördükdən sonra hücum etməyə başladınız?

- İstəmədən belə alındı. Biz qol vura bilməsək də, əks-hücumlarda qapımızda 2 qol gördük. Belə baxanda “İnter”in qol şansı elə də çox olmadı. Lakin onlar bizə 3 qol vurmağa nail oldular.

- Oyunu heç-heçə ilə başa vura bilərdiniz?

- Məncə, hə. Bir qədər də artıq vaxtımız olsaydı, oyunu heç-heçə başa vurardıq.

- Həmin penalti olmasaydı, oyun necə keçərdi?

- Hesab edirəm ki, penalti oyunun qırılma nöqtəsi oldu. Həqiqətən də qapımıza penalti təyin edilməsəydi, oyun fərqli ssenari ilə keçəcəkdi. Səfərdə minimum 2 qol vurmalıyıq. Bu səbəbdən də var gücümüzlə çalışıb, irəli getməyə səy göstərəcəyik. Bu cür oyunu uduzmaq çox məyusedicidir. Çünki qol şanslarımız rəqibdən daha çox idi.

Hazırladı: SAHİB