Polyak tezliklə “Simurq”la rəsmi müqavilə imzalayacaq

Yeni mövsümün hazırlıqlarını Sloveniyada davam etdirən “Simurq”, hazırda əsasən fiziki testlər verir. Futbolxeber.az-ın klubun rəsmi saytına istinadən verdiyi məlumata görə, gündə iki dəfə məşqə çıxan komanda üzvləri səhər idmanında fiziki ağırlıqlı çalışmaları yerinə yetirirlər. Axşam məşqləri isə yüngül isinmə hərəkətlərindən sonra qısa ötürmələr, iki qrupa bölünərək “kvadrat” və ikitərəfli oyunla tamamlanır.

Bugünkü səhər idmanında məşqçilər korpusu yetirmələrinin fiziki hazırlığını ölçüblər. Bundan sonra istirahətə çəkilən komanda, günü axşam məşqi ilə tamamlayıb. 

Artıq Stepan Polyakda dünəndən düşərgəyə qoşulub. Axşam məşqinə çıxan xorvatiyalı yarımmüdafiəçi ilə yaxın günlərdə rəsmi müqavilə bağlanacaq