Tərlan Əhmədov: “İndidən qələbənin təməli qoyulmalıdır”

“Rəqib tələbələrdən ibarət yığma komanda olsa da, bu gün çox gözəl oyun nümayiş etdirdilər. Belə oyunlara elə də önəm vermirəm. Sadəcə, komandanın fiziki durumunun hansı vəziyyətdə olması məni maraqlandırırdı”. Futbolxeber.az-ın məlumatına görə, bu sözləri AZAL-ın baş məşqçisi Tərlan Əhmədov deyib.

AZAL-ın tələbələrdən ibarət Azərbaycan yığma komandasına 3:0 hesabı ilə qalib gəldiyi oyun barədə klubun rəsmi saytına danışan Əhmədov, qələbənin önəm daşımadığını bildirib: “Hər iki hissədə fərqli heyəti meydana çıxardım. İxtiyarımda olan 24 futbolçunun hamısından yararlandım. Komandanın qələbə qazanıb-qazanmaması elə də ciddi önəm daşımırdı. Ancaq hər halda meydana qələbə üçün çıxırıq. Çünki indidən qələbənin təməli qoyulmalıdır. Bu həftə sırf fiziki hazırlığa önəm vermişdim. Qələbə qazanmağımıza baxmayaraq, hələ də çatışmazlıqlarımız var. Bundan sonra bunun üzərində çalışacağıq. Qarşıda hələ görüləsi işimiz çoxdur”