“Hafiz Məmmədov həqiqi futbol adamıdır”

“Şeffild Uenzdi”nin prezidenti Milan Mandariç azərbaycanlı iş adamı Hafiz Məmmədovun kluba sahib çıxmasına münasibət bildirib. Futbolxeber.az-ın məlumatına görə, Mandariç klubun rəsmi saytına verdiyi açıqlamada deyib: “Hafizlə iş birliyi qurduğumuz üçün çox şadam. O, həqiqi futbol adamıdır. Şübhəm yoxdur ki, o bizim 3 il əvvəl “Şeffild Uensdeyi” İngiltərə elitasına qaytarmaq üçün başladığımız işi davam etdirməyə qadirdir. Özümün klubda ilk günündə azarkeşlərə 2 şeyi söz vermişdim. Birincisi, komandanı tərk etdiyim vaxt klub olduğundan daha yaxşı vəziyyətdə olacaq. İkincisi, kluba sahiblik qismində düzgün adam tapacağam. İnanıram ki, hər iki vədi yerinə yetirə bilmişəm”.