“Neftçi” braziliyalı futbolçunu tibbi müayinədən keçirdi

“Neftçi” PFK-nın maraq dairəsində olan braziliyalı futbolçu Kaue Sesilyo da Silva bu gün Bakıya gələrək tam tibbi müayinədən keçib. Futbolxeber.az-ın klubun rəsmi saytına istinadən verdiyi məlumata görə, müayinənin müsbət nəticələrinə baxıldıqdan sonra braziliyalı yarımmüdafiəçi ilə 2 illik müqavilə imzalanacaq.

25 yaşlı Kaue Sesilyo da Silva peşəkar futbolçu karyerasına vətəni Braziliyada başlayıb. Yarımmüdafiəçi 2010-2012-ci illərdə Portuqaliya çempionatında çıxış edib. Kaue son iki mövsümdə Rumıniyanın “Vasluy” klubunun şərəfini qoruyub.