“Neftçi” ilk transferini reallaşdırır

“Neftçi” klubu mövsümlərarası fasilədə ilk transferini reallaşdırmağa yaxındı. Futbolxeber.az-ın məlumatına görə, “ağ-qaralar” braziliyalı Kaue Sesilio da Silvanı heyətinə qatır. 25 yaşlı futbolçu mərləz yarımmüdafiəçisidir. Karyerası ərzində “Qama” (1 oyun), “Leyşoeş” (36 oyun, 1 qol), “Olhanense” (29 oyun, 5 qol) klublarında forma geymiş futbolçu, son 2 illi “Vasluy”da keçirib. Rumıniya klubunun heyətində da Silva 48 oyuna çıxıb və 3 qol vurub.

Qeyd edək ki, Kaue Sesilio da Silva artıq Bakıdadır. Tibbi müayinədən uğurla keçdikdən sonra o, “Neftçi”ylə 2 illlik müqaviləyə imza atacaq.