29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Mikayıl Nərimanoğlu bilet məsələsinə aydınlıq gətirdi

Millimizin ABŞ-a qarşı keçirdiyi yoxlama oyunundan sonra sosial şəbəkələrdə Çikaqoda yaşayan azərbaycanlı tələbələrin AFFA tərəfindən aldadıldığı barədə xəbərlər yayıldı. Məlumatda bildirilirdi ki, AFFA tərəfdən həmin tələbələrə pulsuz bilet veriləcəyi barədə söz verilsə də, sonradan vəd yerinə yetirilməyib ki, bu da tələbələrin narazılığına səbəb olub.

Həmin vaxt milli komandamızla birgə ABŞ-da olan AFFA-nın İnformasiya və İctimaiyyətlə Əlaqələr Departamentinin rəhbəri Mikayıl Nərimanoğlu bir qədər əvvəl feysbuk sosial şəbəkəsində həmin ittihamlara cavab verib.

Futbolxeber.az Mikayıl Nərimanoğlunun məsələylə bağlı yazdığı statusu olduğu kimi təqdim edir:

“ABŞ -Azərbaycan oyunu üçün biletlə bağlı yayılan dezinformasiyaya cavab

Hörmətli Aydın müəllim,

ABŞ - Azərbaycan oyunu üçün biletlə bağlı yazdığınız statusa və onun əsasında KİV-də dərc olunan məlumatlara cavab olaraq "unutduğunuz" və bilmədiyiniz bəzi məsələlərə aydınlıq gətirmək istərdim. Çünki nə qədər obyektiv olmağa çalışsanız da, bunu axıra qədər bacarmamısınız və yalnız öz məktublarınızı dərc etməklə birtərəfli fikir formalaşdırmağa çalışmısınız.

Qeyd etmək istərdim ki, AFFA rəhbərliyi oyunun keçirildiyi Kaliforniya ştatında erməni diasporunun güclü olduğunu və təxminən 1 ay bundan əvvəl Dağlıq Qarabağ barədə qeyri obyektiv qərarın çıxarıldığını nəzərə alaraq oyuna daha çox azarkeş toplamaq üçün qərar qəbul etdi. Bununla əlaqədar olaraq ölkəmizin ABŞ-dakı səfirliyi, konsulluğu və baş sponsorumuz olan SOCAR-ın oradakı nümayəndəliyi ilə 2 ay ərzində mütəmadi əlaqələr saxlayır və təşkilatı işləri birgə həyata keçirirdik. Məhz buna görə də ABŞ Futbol Federasiyası tərəfindən protokola uyğun olaraq ayrılan 100 biletdən əlavə biletlərin də alınması qərara alındı. Beləliklə, baş konsulun rəsmi müraciətinə əsasən AFFA-nın vəsaiti hesabına 500 bilet alınaraq 100 biletlə birlikdə səfirliyə, konsulluğa və SOCAR-ın yerli nümayəndəliyinə təqdim olundu. Əlavə olaraq azarkeşlər üçün 300 Azərbaycan bayrağı və 200 AFFA-nın şərfi də verildi. Bundan sonra biletlə bağlı bizə müraciət edənlərin hər birinə konsulluğa və ya SOCAR-ın yerli nümayəndəliyinə müraciət etmələrini xahiş etdik. Çünki komanda San Fransiskoda deyil, Santa Clara şəhərində qalırdı. Azarkeşlər üçün də bu çox çətin olardı. Həmin təşkilatların nümayəndələri isə rəhbərlikləri ilə birlikdə oyundan bir neçə gün əvvəl San Fransiskoya gəlmişdilər.

Məlumat üçün nəzərinizə çatdırıram ki, sizin AFFA-ya müraciətinizə ( 13.04.2014 ) cavab olaraq sizə dərin təşəkkürümüzü bildirməklə əvvəlcə siyahını göndərməyinizi, sonra isə mayın 22-23-də əlaqə saxlamağınızı xahiş etmişdik. Mayın 20-də etdiyiniz müraciətə isə operativ olaraq cavab yazdıq ( bu məktubu niyə dərc etməmisiniz ? )

Hormetli Aydin muallim,

Biz size mayin 22-23-de elaqe saxlamaqinizi xahish etmishdik. Siz ise 20-de yazdiniz ve bizi basha dushmek istemediniz. Cunki biz ishi daha peshekar quraraq biletleri kortebii shekilde deyil, vahid merkezden vermek qerarina geldik. Bize daxil olan coxsayli muracietlerde bir neferin adi bir nece yerde qeyd olunmushdu. Bu sebebden de bilet ucun olkemizin buradaki konsulluquna ve ya SOCAR-in numeyendeliyine muraciet etmelisiniz. Konsulluq ucun 500, numayendeliyi ucun ise 150 bilet ayrilacaq.

Nezere almaqinizi xahish edirik.

Sizə bu məktubumuzdan sonra biz öz tərəfimizdən sizinlə bağlı ölkəmizin ABŞ-dakı konsulluğuna və SOCAR-ın yerli nümayəndəliyinə məlumat verdik.

On May 21, 2014, at 15:03, Mikayil Narimanoglu wrote:

Hörmətli Nəsimi müəllim,

Millinin oyununa bilet üçün müraciət edən Aydın Hüseynova mayın 22-23-də əlaqə saxlamağı xahiş etmişdik. O isə mayın 20-də müraciət etdi və bu məsələ ilə bağlı SOCAR-ın ABŞ-dakı nümayəndəliyi ilə əlaqə saxlamağı xahiş etdik. Çünki bizə edilən çoxsaylı müraciətlərə diqqət yetirəndə gördük ki, bir şəxsin adı bir neçə siyahıda qeyd olunub. Onun bizə cavab məktubunu isə məlumat üçün nəzərinizə çatdırırıq.

Diqqətinizə görə minnətdarıq.

Bundan sonra Baş konsul və SOCAR-ın nümayəndəliyi müraciətiniz əsasında biletlə bağlı sizə köməklik göstəriləcəyini bildirdi. Ancaq siz nə konsulluğa, nə də SOCAR-in yerli nümayəndəliyinə müraciət etdiniz. Halbuki digərləri sizdən fərqli olaraq işlərini qaydasında quraraq müraciət əsasında biletlərini aldılar.

Bundan sonra hay-küy qoparmağınız isə tam yersizdir. Bununla bağlı sizə bir neçə sualım var.

1. Bilet üçün qeyd etdiyimiz qurumlara nə üçün müraciət etmədiniz? (Qeyd etdiyimiz kimi biz sizin gəlişiniz barədə onlara məlumat vermişdik)

2. Oyunun bileti yerindən asılı olaraq 35 -375 dollar arasında idi. Əgər siz rahatlığınız üçün 200 dollarlıq bilet almısınızsa, bu sizin öz işinizdir.

3. Sizə məxsus olan bu cümlə ilə nə demək istəyirsiniz ? ( "Mən ona may ayının 20-si yazdım və mənə dedi ki, bilet uçun SOCAR-a müraciət edin. Necə ola bilər axı oyuna 3 gün qalmış SOCAR-a müraciət edək" ).

Müraciət ayın 20-də oldu, oyun 27-də, aralıqda olan vaxt neçə gündür?

4. Bütün bunlardan sonra dezinformasiya yaymaqda məqsədiniz? 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31