“Mübariz Mənsimov Bakıya gəlib, baş məşqçi barədə burada qərar qəbul edəcək” EKSKLÜZİV

“Baş məşqçi təyinatının gecikməsinin səbəbi haqda məlumatım yoxdu. Bunun Mustafa Dənizli ilə bağlı olub-olmadığını bilmirəm”. Futbolxeber.az saytına verdiyi açıqlamada bu sözləri “Xəzər Lənkəran”ın mətbuat xidmətinin rəhbəri Hüseyn Cəbrayıloğlu deyib.

Klub rəsmisi “Xəzər Lənkəran”ın fəxri prezidenti Mübariz Mənsimovun tezliklə Bakıya gələrək, baş məşqçi məsələsinə nöqtə qoyacağını bəyan edib: “Klubumuzun fəxri prezidenti Mübariz Mənsimov tezliklə Bakıya gələcək. O, burada digər klub rəsmiləri ilə görüşəcək. Baş məşqçi məsələsi də həmin görüş zamanı həll olunacaq. Mübariz bəyin səfərinin dəqiq tarixi hələ bəlli deyil. O, Bakıya ya bu ayın sonu, ya da iyunun ilk günlərində gələcək”.