6 Iyul 2020, Bazar ertəsi
"Qəbələ": Premyer Liqanın 7-cisi
"Neftçi"də belçikalı yarımmüdafiəçi
“Bavariya” “qızıl dubl” etdi
Stanislav Namaşko daha 1 il “Keşlə”də

Ölkə futbolu

Rövnəq Abdullayev: “Qarabağ”a Çempionlar Liqasında uğurlar arzu edirəm”

Bu gün Azərbaycan Premyer Liqasının XXXVI turu çərçivəsində keçirilmiş oyunlardan sonra AFFA-nın prezidenti Rövnəq Abdullayev affa.az saytına fikirlərini bildirib: “Azərbaycan Premyer Liqasında bu gün keçirilmiş qarşılaşmalarla XXII ölkə çempionatına yekun vuruldu. Mövsüm ərzində bir çox maraqlı oyunların, gərgin idman mübarizəsinin shahidi olduq.

“Qarabağ” klubunu Azərbaycan Premyer Liqasının qalibi olması münasibətilə təbrik edir, UEFA Çempionlar Liqasında Ağdam təmsilçisinə uğurlar diləyirəm. O cümlədən UEFA Avropa Liqasında mübarizə aparacaq klublarımıza da qələbə sevinci arzulayıram.

Çempionat başa çatdı və idman prinsiplərinə uyğun olaraq, bu il Azərbaycan Premyer Liqasını sonuncu yerdə başa vurmuş “Rəvan” klubu növbəti mövsümdə mübarizəni Birinci divizionda, müvafiq olaraq, Birinci Divizionun qalibi olmuş “Araz-Naxçıvan” komandası isə yüksək liqada davam etdirəcək. Hər iki kluba növbəti mövsümdə uğurlar arzulayıram.

Məlum olduğu kimi, mövsümə Azərbaycan kuboku uğrunda yarışın mayın 22-də “Neftçi” və “Qəbələ” komandaları arasında keçiriləcək final oyunu ilə yekun vurulacaq. İnanıram ki, azarkeşlər hər iki komandanın ifasında maraqlı futbol tamaşası izləyəcək və daha yaxşı, daha əzmkar oyun nümayiş etdirən komanda kubok yarışının qalibi olacaq”.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyul 2020
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31