“Qarabağ” 2 legionerlə yeni müqavilə imzaladı

2013-2014 mövsümün çempionu “Qarabağ” transfer çalışmalarına start verib. Futbolxeber.az-ın klubun rəsmi saytına istinadən verdiyi məlumata görə, ilk öncə heyətdəki futbolçularla danışıqlara başlayan komanda Qara Qarayevin ardınca daha 2 futbolçuyla müqavilə imzalayıb. Uzun illər “Qarabağ”ın müdafiəsinin dayaqları olan Admir Teli və Ansi Aqolliylə artıq yeni müqavilələr imzalanıb. Hər 2 futbolçu 1 illik sazişə imza atıb.

Xatırladaq ki, Admir 2009-cu ilin yanvarından, Ansi isə 2012-ci ilin yayından “Qarabağ”ın uğurları üçün tər tökür.

Admir ardıcıl 88 oyunda meydana çıxmaqla Azərbaycan rekorduna malikdir. Ansi isə Albaniya millisinin əsas heyət oyunçusudur.