Tale Heydərov: “Syominin “Qəbələ”də qalmasını istəyirəm”

“Qəbələ”nin prezidenti Tale Heydərov klubun baş məşqçisi Yuri Syominin fəaliyyəti haqda danışıb. Futbolxeber.az-ın məlumatına görə, CBC telekanalına müsahibəsində T.Heydərov deyib: “O, Azərbaycanda “Qəbələ”yə kömək etmək üçün işləyir. Burada ilk ili olduğu üçün onun faəliyyətini uğurlu saymaq olar. Biz kubokun finalına vəsiqə qazanmışıq, hazırda çempionatda dördüncü yeri tuturuq və avrokuboklara vəsiqə əldə etmişik”.

Syominin “Qəbələ”dəki gələcək taleyi ilə bağlı sualı isə klub prezidenti belə cavablandırıb: “Hələlik onun burada qalması ilə bağlı məsələ həll olunmayıb. Syomin bununla bağlı qərar verməyib. Şəxsən mən Syominin “Qəbələ”də qalmasını istəyirəm. Çünki o, təcrübəli və yaxşı məşqçidir. Amma hər şeyi zaman göstərəcək”.