Aqil Məmmədov: “Futbolda belə hallar olur”

“Çempion olması münasibəti ilə “Qarabağ”ı təbrik edirəm. Ümid edirəm ki, Çempionlar Liqasında uğurlu çıxışı ilə bizi sevindirərlər”. Futbolxeber.az-ın məlumatına görə, bu sözləri “Qarabağ”la oyundan sonra “Sumqayıt”ın baş məşqçisi Aqil Məmmədov deyib.  

Gənc məşqçi növbəti turda da uğur qazanmağa səy göstərəcəklərini bildirib: “Oyun bizim üçün çox vacib idi. Futbolçular bütün tapşırıqları yerinə yetirə bilməsə də, yekunda qələbə qazana bildik. İlk hissədə daha yaxşı təsir bağışladıq, lakin qələbə qolunu ikinci hissədə vura bildik. Futbolda belə hallar olur. Çalışacağıq ki, növbəti turda da azarkeşlərimizi sevindirək”.