Millimizin sabiq üzvü: “Polşa və Rumıniya klublarından təklif almışam”

“Mövsüm başa çatandan sonra “İnter”dən gedəcəyəm. Bu, dəqiqdir”. Futbolxeber.az saytına verdiyi açıqlamada bu sözləri millimizin sabiq üzvü, “İnter”də çıxış edən Elhad Nəziri deyib.

Gənc futbolçu ölkə xaricindən təklif aldığını qeyd edib: “Polşa və Rumıniya klublarından təklif almışam. Amma mən karyeramı Azərbaycanda davam etdirmək istəyirəm. Daha 1 il burada forma geyib, sonra xaricə üz tutmaq fikrindəyəm. Azərbaycana qayıdışım çox uğursuz alındı. Bunun günahkarı da özüməm. Arxayınçılıq insanı həmişə çətin vəziyyətə salır”.

Nəziri maddi məsələlərin onün üçün önəm daşımadığını deyib: “Yerli klubdan da təklif var. Mövüm başa çatdıqdan sonra menecerimlə hər şeyi ətraflı müzakirə edəcəyik. Təklif aldığım xarici klubların səviyyəsi heç də aşağı deyil. Sadəcə olaraq, özüm burada qalıb, formamı bərpa etmək, eləcə də oyun praktikamı artırmaq istəyirəm. Bu dəfə xaricə tam hazır vəziyyətdə yollanmaq fikrindəyəm. Mənim üçün sözləşmənin maddi tərəfi böyük önəm daşımır. Əsas odur ki, daha çox oynamaq şansı qazanım”.