“Milan” rəhbərliyi Zeedorfun qarşısına şərt qoydu

“Milan”ın baş məşqçi postunda yenidən dəyişiklik ola bilər. Futbolxeber.az-ın İtaliya mətbuatına istinadən verdiyi məlumatına görə, klub rəhbərliyi Klarens Zeedorfun qarşısına şərt qoyub. Belə ki, “Milan” “A” seriyasının növbəti 2 turu ərzində səfərdə “Latsio”ya (23 mart) və “Fiorentina”ya (26 mart) qarşı matçlarda uduzmamalıdır. Əks halda, Zeedorfu baş məşqçi postunda Mauro Tassotti əvəzləyəcək.Məlumatda o da qeyd olunur ki, Tassottinin komandanı çalışdırsa, o, bu postda mövsümün sonuna kimi qalacaq. Yayda isə komanda Filippo İnzagiyə tapşırılacaq.

Xatırladaq ki, 28 turdan sonra “Milan” “A” seriyasında 11-ci pillədə qərarlaşıb. Komanda İtaliya Kuboku ilə 1/4 finalda, Çempionlar Liqasıyla isə 1/8 finalda vidalaşıb.