20 Oktyabr 2019, Bazar günü
Təmkindən biabırçı hərəkət
UEFA "Neftçi"ni cərimələdi
Nazarovdan mövsümdə beşinci qol
“Turan Tovuz”da yeni baş məşqçi

Ölkə futbolu

“Qəbələ”: Kubokda 50, Mendidə 20, Syomində 15

“Qəbələ”nin seneqallı legioneri Viktor Mendi klubun tarixinə düşüb. Futbolxeber.az-ın klubun rəsmi saytına istinadən verdiyi məlumata görə, afrikalı hücumçu 2005-ci ildə ölkə kubokunda debüt edən komandasının bu yarışlarda yubiley - 50-ci qolunu vurub. Bu top 1/4 final mərhələsinin “Qarabağ”la səfərdəki cavab oyununda həlledici olub və qonaqlara qələbə gətirib – 2:1. 9 mövsüm ərzində 36 qarşılaşmaya çıxan “qırmızı-qaralar” bu matçlarda 17 qələbə qazanıb, 11 heç-heçə edib və 7 dəfə uduzub. Rəqibləri “Qəbələ”nin 50 qoluna 30 topla cavab verib.

Mendinin qələbə qolu həm də seneqallını klub tarixinin ən məhsuldar futbolçusu adına şərik edib. 85-ci oyununda 20-ci qoluna imza atan hücumçu “Qəbələ”nin 9 illik tarixində ən çox top vuran Rövşən Əhmədova çatıb. Mendi 20 qoldan 18-ni Premyer Liqa, 2-ni kubokda vurubsa, Əhmədov 19 dəfə I dəstə, 1 dəfə kubokda fərqlənib.

“Qarabağ”la matçda hesabı açan Daniel Subotiç də klub tarixinin ən yaxşı bombardirləri siyahısında mövqeyini yaxşılaşdırıb: Viktor Mendi, Rövşən Əhmədov - hər ikisi 20, Kənan Kərimov - 18, Yannik Kamanan - 17, Luis Hilario - 16, Deon Barton - 15, İbrahim Hüseynov, Vitali Balamestnı, Daniel Subotiç - hamısı 12, Rəşad Yusubov - 11, Samir Zərgərov - 10.

Luis Hilario 95-ci, Mendi isə 85-ci dəfə “Qəbələ” formasında meydana çıxıb. Onların hər ikisi klub tarixində ən çox oyun keçirən “6-lıq”da yer alıb: Pavel Doroşev - 99, Abdulkader Kamara - 97, Luis Hilario, Azər Həşimov - hər ikisi 95, Lyubo Baranin - 90, Viktor Mendi - 85.

“Qəbələ səfər qələbəsi qazanmaqla rusiyalı baş məşqçisi Yuri Syominin rəhbərliyi altında 15-ci dəfə qalib gəldi. Premyer Liqada 26, kubokda 3 dəfə komandanı meydana çıxaran mütəxəssis bu yarışlarda müvafiq olaraq 13 və 2 dəfə yetirmələrinin qələbəsinə sevinib. Syominlə 29 matçda 15 qələbədən başqa, 6 heç-heçə və 8 məğlubiyyət qeydə alınıb. Bu görüşlərdə 40 qol vuran “Qəbələ” qapısında 26 top görüb.

Qeyd edək ki, 2007/08 və 2008/09 mövsümlərində Azərbaycan kubokunun yarımfinalına yüksələn “Qəbələ” 5 illik fasilədən sonra tarixində 3-cü dəfə finalın bir addımlığınadək irəliləyib.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Oktyabr 2019
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30 31