“Xəzər Lənkəran”ın futbolçusuna 1 oyunluq cəza

Bu gün AFFA İntizam Komitəsinin növbəti iclası keçirilib. Futbolxeber.az-ın məlumatına görə, 12 mart 2014-cü il, 2013/2014 mövsümündə, XXII Azərbaycan kubokunun 1/4 final mərhələsinin “Araz Naxçıvan” - “Xəzər Lənkəran” matçının 73-cü dəqiqəsində “Araz Naxçıvan” klubunun inzibatçısı Yunis Məhərrəmov texniki zona qaydalarını pozduğuna görə meydandan kənarlaşdırıldığı üçün 1 oyunluq cəzalanıb, klub 100 manat cərimə olunub (maddə 62).

Oyunun 90+3-cü dəqiqəsində “Xəzər Lənkəran” klubunun 4 №-li futbolçusu Alvaro Silva əl ilə oyuna görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb, klub 200 manat cərimə olunub (maddə 48).