“Rəvan” "Simurq”la oyunun hazırlıqlarını davam etdirir

“Rəvan” “Simurq”la oyunun hazırlıqlarını davam etdirir. Futbolxeber.az-ın məlumatına görə, komanda Azərbaycan Premyer Liqasının 26-cı turu çərçivəsində bazar günü keçiriləcək görüş üçün artıq dünəndən məşqlərə başlayıb. Dünən "Bakı” ilə kubok görüşündən sonra bu matçda forma geyməyənlər məşq etmişdisə, bu gün bütün komanda hazırlıqda iştirak edib. Sadəcə, Oke Akpoveta və Julio Sezar yüngül zədəli olduqlarından fərdi proqram əasında çalışıb. Bu futbolçular "Simurq”la görüşdə forma geyməyəcək. Ancaq məsələ heç də zədə ilə bağlı deyil. Çünki onlar həm də cəzalı durumdadırlar. Elə Lukaş Sapela və Novruz Məmmədov da. Bir sözlə “Rəvan” Zaqatalaya 4 əsas heyət oyunçusu olmadan yollanacaq.