Azərbaycan kuboku: 1/4 final rəqəmlərin gözü ilə

Bu həftə Azərbaycan kubokunda mübarizə davam etdiriləcək. Futbolxeber.az-ın məlumatına görə, 1/4 finala vəsiqəni 2013-cü ildə qazanan 8 komanda yarımfinala yüksəlmək üçün ilk oyunlarına çıxacaq. Peşəkar Futbol Liqasının rəsmi internet saytı üz-üzə gələn cütlərin kubok yarışları tarixindəki oyunlarının balansını təqdim edir.

1/4 final
12 mart (çərşənbə)

“İnter” - “Neftçi” 
+3=4-1, top fərqi 4-8

Paytaxt təmsilçilərinin kubokdakı yolları 5-ci dəfə kəsişib. Əvvəlki 4 dueldən 3-də “İnter” və yalnız sonuncusunda “Neftçi” mərhələ adlayıb. 4 duel çərçivəsində keçirilən 8 görüşdən yarısında heç-heçə qeydə alınıb.

“Rəvan” - “Bakı” 
+0=1-0, top fərqi 0-0

2 mövsüm əvvəl 1/8 finalda qarşılaşan rəqiblərin duelinin taleyini penaltilər seriyası həll etmişdi. Həmin vaxt “Bakı” mərhələ adlamışdı.

“Qəbələ” - “Qarabağ” 
+0=4-0, top fərqi 3-3

Ardıcıl 3-cü dəfə 1/4 finalda qarşılaşan əyalət təmsilçilərinin kubok oyunlarında indiyədək qalib gələn olmayıb. Baş tutan 4 oyunun hamısı heç-heçə başa çatıb. Lakin hər iki dueldə səfər qolu sayəsində “Qarabağ” mərhələ adlayıb.

“Araz Naxçıvan” - “Xəzər Lənkəran” indiyədək görüşməyiblər.