Vaqif Sadıqov: “Meydana qələbə üçün çıxacağıq”

AZAL-ın baş məşqçisi Vaqif Sadıqov klubun rəsmi saytına açıqlama verib. Futbolxeber.az-ın məlumatına görə, təcrübəli mütəxəssis açıqlamasında sabah Azərbaycan Premyer Liqasının 24-cü turu çərçivəsində “Rəvan”a qarşı keçirəcəkləri oyun barədə danışıb: “Rəvan”ın “Qəbələ” ilə səfər oyununa baxdım. Deyə bilərəm ki, bu komandanın heyətində yer alan hər bir futbolçu nə etdiyini bilir. Görünür ki, biz yaxşı formalaşmış komandaya qarşı mübarizə aparacağıq. Bizi çox ağır oyun gözləyir. Biz bu oyuna ciddi hazırlaşırıq. Düzdü, heyətdə itkilər var. Şemonayev cəza, Xuan və Samuel Barlay isə zədə səbəbindən oynamayacaqlar. Bütün bunlara rəğmən sabah qələbə üçün meydançaya çıxacağıq”.